Milan pranon suspendimin

Milan nuk do të çojë ankesë në Federatën italiane të futbollit për të ulur dënimin e sulmuesit të tyre, Mario Balotelli. 

Balotelli u suspendua për tre ndeshje moslojë për shkak të sjelljeve të tija pas ndeshjes ndaj Napolit, të cilën Milan e humbi 1-2 në San Siro. 

Përkundër se në mëngjes thuhej se rossonerët do të kërkojnë uljen e dënimit, kjo nuk do të ndodh raportojnë mediat italiane pak më parë. 

Si rezultat i kësaj, Milan do të del përballë Bolognas, Sampdorias dhe Juventusit pa sulmuesin kryesor të skuadrës - Balotelli.