NAPOLI
Mjafton Higuain
9 November, 2014 @20:58
Sulmuesi argjentinas i Napolit, Gonzalo Higuain, ka mjaftuar për t’i marrë pikët e plota ekipi i tij në Firencë sonte.
Napoli ka mposhtur Fiorentinën në duel direkt për vendet që dërgojnë në Europë, derisa Fiorentina dridhi shtyllën napolitane gjatë ndeshjes.
Një krosim i Christian Maggios që nuk u pastrua nga mbrojtja vjollcë, gjeti Higuainin në zonë, që pa menduar shumë qëlloi rrjetën e Netos.
Kjo ka qenë fitorja e gjashtë në kampionat e ekipit të Rafa Benitezit, derisa Higuain tashmë shënoi golin e nëntë të stinorit dhe shkruhet në listë të realizatorëve për të katër ndeshjet e fundit me radhë.
