BIANCONERI
Demolojnë Parmën
9 November, 2014 @16:59
Juventus sot ka arritur të shënojë fitore shumë më të lehtë sesa që ka paramenduar ndaj Parmës.
Ekipi i Max Allegrit ka arritur që të demolojë ekipin e Roberto Donadonit me rezultat të paparamenduar, 7-0.
Derisa sulmuesit kryesorë të skuadrës, Carlos Tevez dhe Fernando Llorente, shënuan nga dy herë në portën e Parmës, Allegri gjatë pjesës së dytë i zëvendësoi me Alvaro Moratan dhe talentin Kinglsey Koman, ku Morata shënoi dy herë përsëri për të përmbyllur poshtërimin e ‘qumështorëve’ nga Parma.
Para se Roma të takohen me Torinon, Juventus ka 6 pikë më shumë se përcjellësi kryesor i saj - Roma. Në xhiron e radhës Juventus udhëton në Romë, për tu ndeshur me Lazion e Lorik Canës e Etrit Berishës.
