MEDIA
Muriqi, në EURO 2016?!
13 December, 2015 @16:33
Kosovari Vedat Muriqi është duke kaluar një stinor të mrekullueshëm te Giresunspori. Ai ka shënuar 9 gola në 13 ndeshje të ligës së dytë të Turqisë, ndërsa ekipi i tij është duke luajtur për tu inkuadruar në Superligën turke stinorin e ardhshëm.
Futbollisti 21 vjeç sipas gazetës turke Radikal është vënë në radar edhe të përzgjedhësit të Turqisë Fatih Terim, që mund t’i bëj atij ftesë edhe për Kampionat Europian, EURO 2016.
Muriqi është paisur me pasaportë turke dhe ka të drejtë të luaj për Turqinë. Ai ka luajtur edhe për shpresat e Shqipërisë ku ka 1 gol në 3 paraqitje.
Muriqi hapat e para të futbollit i bëri në Prizren te Liria, ndërsa më pas kaloi një peridhë në Kategorinë Superiore të Shqipërisë me Teutën dhe Bylisin para se të merr rrugë për në Turqi.
Për më tepër gazeta në fjalë ka bërë të ditur se Muriqi është duke u përcjell edhe nga treshja e madhe e Stambollit, Galatasaray, Fenerbahçe dhe Besiktas.
