Nani shpëton Fenerin

​U deshën 84 minuta që Fener të gjente golin e fitorës, edhe pse mysafirët ishin me një lojtar më pak në fushë për pjesën më të madhe të ndeshjes. 

Ishte Luis Nani që me një gol të bukur i dhuroi kreun skuadrës së tij.

Sokol Cikalleshi luajti vetëm 4 minuta në këtë ndeshje për Basaksehirin, kur zëvendësoi Emren në minutën e 86-të të ndeshjes. 

Kjo fitore vjen në kohë të duhur, duke marrë parasysh që derbi mes rivalëve të Besiktasit dhe Galatasarayt zhvillohet pikërisht këtë javë.

Fenerbahçe me një ndeshje më tepër se Besiktasi (që ndeshet me Galatasarayin nesër mbrëma) ka 34 pikë dhe është në krye të tabelës. Besiktas aktualisht ka 32 pikë.