PRISHTINA dhe MIREL JOSA
Ndahen edhe zyrtarisht
3 September, 2019 @13:08
Me titullin “Falemnderit Mirel” Prishtina edhe zyrtarisht ka konfirmuar lajmet e djeshme se ekipi ka ndarë rrugët me trajnerin shqiptar Mirel Josa.
“Prishtina dhe kryetrajneri Josa me marrëveshje kanë shkëputur kontratën,” ka shkruar njoftimi, duke numëruar sukseset e tij me klubin sa ishte aty.
Josa ka drejtuar Prishtinën në 79 ndeshje zyrtare, ku ka shënuar 46 fitore, 21 barazime dhe 12 humbje. Ka fituar Kupën e Kosovës në stinorin 2017/18 dhe është bërë dy herë nënkampion i vendit, duke mos e fituar titulin në xhiron e fundit të stinorit.
Mediat e ndryshme dje kanë raportuar se bardhekaltërit që janë në kërkim të titullit të kampionit, janë në bisedime me ish trajnerin e Shkëndijës, Qatip Osmani.