Ndahen Ferronikeli me Kolshin

Skuadra e Ferronikelit ka bërë të ditur se ka liruar portierin kryesor të tij, Granit Kolshin. 

Kolshi, i ishte bashkuar Ferronikelit në vitin 2009 dhe prej atëherë ka qenë pjesë e skuadrës në rrugëtimin e ngritjes deri te titulli kampion, i pari në histori të klubit. 

Graniti, mbahet mend për penalltitë e pritura në stinorin 2013/14 në ndeshjen e barazhit ndaj Gjilanit, kur kishte shpëtuar skuadrën nga rënia në Ligë të Parë. 

E në vitin e radhës, Ferronikeli u bë kampion. 

Kolshi, muaj më parë kishte lajmëruar edhe vetë se do të largohej nga skuadra me të përfunduar edicioni vjeshtor. 

Portieri në fjalë ka marrë ftesë edhe nga përzgjedhësi i përfaqësueses së Kosovës, Albert Bunjaki.