GJILANI - TREPÇA '89
Ndahen pikët në Gjilan
30 March, 2019 @15:56
Në takimin e luajtur sot mes Gjilanit dhe Trepçës ‘89 në stadiumin e qytetit në Gjilan, që të dyja skuadrat shënuan nga një herë, për t’u detyruar kështu të kënaqen me nga një pikë në fund.
Epërsia e Gjilanit, klub i cili sot për herë të parë u drejtua nga trajneri Gentian Mezani, erdhi që në minutën e dytë përmes golit të shënuar nga Wilber Perez, ndërsa përkundër rasteve nga të dyja skuadrat, gol tjetër në pjesën e parë nuk pati.
E me të filluar pjesa e dytë, ishte Hasan Hyseni i mitrovicasve ai që shënoi për 1-1, rezultat i cili doli të ishte edhe epilogu përfundimtar i ballafaqimit të sotëm.
Për dallim nga Gjilani, që është i qetë në mesin e tabelës, Trepça ‘89 në anën tjetër ndodhet shumë pranë zonës së barazhit.
