Ndahen pikët në Mitrovicë

Në takimin e luajtur sot në Mitrovicë, Trepça ‘89 dhe Llapi luajtën baraz, për t’u detyruar kështu t’i ndajnë pikët.

Pas një depërtimi individual, Blagojev Gucev i mitrovicasve shënoi me një goditje të saktë me të majtën, mirëpo 9 minuta më vonë, ishte Festim Alidema ai që me një goditje perfekte e la të shtangur portierin vendas, duke shënuar për 1-1.

Pas dy golave të shënuara, të pranishmit në “Riza Lushta” në pjesën e parë panë dy kartonë të kuq. Fillimisht pas dy kartonëve të verdhë u përjashtua Mentor Zhdrella i mysafirëve, e në fundin e pjesës së parë u përjashtua Gucev, golashënuesi i mitrovicasve, për ta barazuar kështu numrin e lojtarëve të skuadrave në fushë.

TABELA AKTUALE

Në pjesën e dytë, Trepça ‘89 ishte skuadër më e mirë, ndërsa rasti më i mirë për mitrovicasit u shfaq për Gëzim Rusin, i cili e goditi shtyllën me një goditje me kokë pas një krosimi fenomenal të Hasan Hysenit, mirëpo përkundër rasteve të krijuara në pjesën e dytë, asnjëra prej skuadrave nuk shënoi dhe ndeshja u mbyll pa fitues.

Ky rezultat bën që Llapi pas 11 ndeshjeve të ketë 20 pikë, ndërsa Trepça ‘89 aktualisht ka 15 pikë.

FORMACIONET STARTUESE