Ndahet me Malagën

Kiliani që morri skuadrën nga Costa del Sol për ta ngritur në çerekfinale të Ligës së Kampionëve, në mesin e tetë ekipeve më të mira europiane, është përfolur shumë që mund të bëhet trajner i ardhshëm i Manchester City. 

E këtë e ka vërtetuar ai vetë sot me mesazhin e dhënë se ai më nuk do të jetë trajner i Malagës. Gjatë pranimit të medaljes së artë për shërbime në provincën e Malagës, ai është shprehur kështu: 

“Rrugët i kemi të ndara, mirëpo dashuria me këtë qytet do të jetë e përjetshme,” është cituar të ketë thënë Pellegrini në këtë ceremoni, që vërteton edhe më shumë muhabetet lidhur me të ardhmen e tij.