Ndahet nga Drita

Drita ka mbetur pa trajnerin e saj të deritashëm, Arbnor Morina. Morina, i cili ka udhëhequr këtë stinor me ekipin gjilanas i ka dhënë fund marrëveshjes me ekipin bardhë-e-kaltër pasi që në negociatat për stinorin e ri nuk kanë arritur pajtimin. 

“Kam ndërprerë bashkëpunimin me Dritën pasi që zyrtarët e saj nuk janë treguar serioz,” citohet të ketë thënë Morina për agjencionin e lajmeve Kosova Press. 

Drita ka përfunduar edicionin 2012/13 të Raiffeisen Superligës së Kosovës në vendin e shtatë të tabelës me pikë të njejta sikurse Trepça në vendin e gjashtë, 45. 

Bilanci i Dritës gjatë 33 xhirove të kampionatit të përfunduar është: 11 fitore, 12 barazime dhe 10 humbje.