Pirlinho

Andrea Pirlo ka përjetuar festë të vërtetë në ndeshjen e 100-të të tij me kombëtaren italiane. 

Mesfushori i Juventusit ka shënuar gol maestral nga gjuajtja e lirë, ndërsa në fund është shpallë edhe lojtari i ndeshjes Italia-Meksiko, të cilën e fituan italianët. 

“Më thërrisnin Pirlinho!”, ka thënë ai i entuziazmuar pas ndeshjes. 

“Natë e mrekullueshme për të regjistruar paraqitjen e 100-të. Posaçërisht në stadiumin historik, Maracana, ku më thërrisnin Pirlinho. Kjo ka qenë diçka që kam mundur ta ëndrroj deri më tani,” ka përshkruar Pirloja atmosferën dhe ndjenjat e tij gjatë ndeshjes. 

Italia ka arritur të shënojë fitore në ndeshjen e parë të Kupës së Konfederatave ndaj Meksikos mbrëmë, ndërsa Pirlo i është bashkuar Klubit 100 të Azzurrëve.