Ndarje pas 14 vitesh

Mbi një dekadë jete në klubin mbretëror dhe energjie të derdhur - kanë përfunduar dje për trajnerin e Anderlechtit dhe ish lojtarin e klubit me renome në Belgjikë, Besnik Hasin.

Hasi është shkarkuar nga detyra e trajnerit të klubit ndërsa vetë ekipi në njoftim ka qenë i vetëdishëm për njeriun që dha shumë.

“Kjo ndarje për fat të keq është tipike për botën e futbollit. Klubi i uron suksese në vazhdim të karrierës Besnik Hasit, ndërsa si ekip jemi të bindur se ai ka cilësi për të qenë top trajner,” - ka qenë shkrimi zyrtar i ekipit, pas njoftimit për shkarkim të Besnikut nga detyra.

Gjakovari 44 vjeçar morri detyrën e trajnerit të Anderlechtit në mars 2014 ndërsa me ekipin fitoi titullin e kampionit dhe Superkupën belge.