PARA FINALES SË KUPËS
Triumfi na dërgon në Evropë
27 May, 2016 @21:59
Në prag të ndeshjes finale ndaj Dritës, e cila zhvillohet nesër me fillim nga ora 16:00, kryetrajneri i Prishtinës, Fadil Berisha, u shpreh:
“Na pret një ndeshje e vështirë, mirëpo Prishtina hyn për fitore, duke e ditur që triumfi na dërgon në gara evropiane. Do të provojmë të luajmë sa më bukur dhe do ta fitojmë ndeshjen. Kam besim të plotë në futbollistët që i posedoj dhe ata janë të vetëdijshëm se sa ka rëndësi fitorja nesër.”
Vlen të përmendet fakti që shitja e biletave për këtë takim u bë shumë shpejt, me dy tifozëritë e interesuara për pjesëmarrje. Spektakli duhet se nuk do të mungojë nesër në kryeqytet.
