JAVA E TRETË
BOROZANI / G.P
Ndeshja e parë kampionale në “Fadil Vokrri”
2 September, 2018 @10:16
Me fillim nga ora 19:45, sonte zhvillohet ndeshja e parë kampionale në histori të futbollit të Kosovës në stadiumin “Fadil Vokrri”.
Në këtë stadium u zhvillua ndeshja e Superkupës mes Dritës dhe Prishtinës, e sa i përket kampionatit, ndeshja e parë e paraparë të luhej aty, ajo mes Prishtinës dhe Gjilanit, u detyrua të shtyhet, duke bërë kështu që ndeshja e parë kampionale në “Fadil Vokrri” të jetë ajo mes Prishtinës dhe Drenicës, sonte me fillim nga ora 19:45.
Në kuadër të Superligës sot zhvillohen edhe dy ndeshje të tjera. Gjilani në shtëpi pret Trepçën ‘89, derisa Flamurtari në kryeqytet pret skuadrën e KEK-ut. Që të dyja këto takime fillojnë në ora 16:45.
