Në lojë për tre trofe

Juventus ka arritur që të rikthehet në ndeshjen e dytë gjysmëfinale të Kupës së Italisë, për të mposhtur Fiorentinën në Artemio Franchi, 3-0. 

Me këtë, me rezultat të përgjithshëm 4-2, Bianconerët që janë në rrugë të mirë për të mbrojtur titullin në Serie A, kanë arritur që të plasohen edhe në finale të Kupës së Italisë, që i le ata në lojë për dy trofetë më të mëdhenjë në Gadishullin Apenin. 

Mirëpo, trajneri i tyre, Max Allegri ka thënë se Juventus po synon të tre trofetë për të cilat po garon, duke përfshirë këtu edhe Ligën e Kampionëve. 

“Jemi ende në lojë për të tre trofetë. Shumëkush po e konsideron Monacon si çështje të kryer, por me plotë përgjegjësi po e them që nuk është ashtu. Natyrisht ne synojmë që të kalojmë edhe më shumë në Ligë të Kampionëve, për të arritur në gjysmëfinale,” ka bërë të ditur ai pas fitores së mbrëmshme. 

Juventus është 14 pikë larg Romës ndjekëse në luftë për titull në Serie A, nëntë xhiro pa përfunduar stinori. Mbrëmë, arriti finalen e Kupës së Italisë ku e pret fituesin e përballjes Napoli-Lazio, derisa në çerekfinale të Ligës së Kampionëve ndeshet me Monacon për të kërkuar rrugë për gjysmëfinale.