ZYRTARE
Negredo rikthehet në Premier League
20 July, 2016 @15:59
Përmes një konfirmimi zyrtar, klubi i sapo promovuar në Premier League, Middlesbrough, ka njoftuar opinionin me transferimin më të ri.
Bëhet fjalë për Alvaro Negredon, i cili është huazuar për 1 sezon nga skuadra e Valencias tek Middlesbrough. Kjo do të jetë aventura e dytë e sulmuesit spanjoll në Angli, meqenëse ai ishte pjesë e Manchester Cityt për disa vite para se të rikthehej në La Liga.
Ky është transferimi i dytë ‘i madh’ për Boron këtë verë, pasi që javë më parë skuadra e drejtuar nga i mirënjohuri Aitor Karanka, e kompletoi edhe transferimin e portierit Victor Valdes. Emri i radhës që spekulohet të bëhet pjesë e Boros është qendërmbrojtësi serb Neven Subotic, mirëpo për të nuk ka ende asgjë zyrtare.
