Celina në listën e Guardiolas

Pas zgjatjes së kontratës me Manchester Cityn pak muaj më parë, vazhdojnë lajmet e mira për Bersant Celinën.

19-vjeçari nga Prizreni është përfshirë në listën prej 34 lojtarëve që janë zgjedhur nga Pep Guardiola për të udhëtuar në turneun parasezonal që skuadra e Manchester Cityt e zhvillon në Kinë.

Celina, i cili me Cityn ka debutuar nën drejtimin e trajnerit Manuel Pellegrini, deri më tani ka zhvilluar 4 paraqitje për skuadrën nga ‘Etihad Stadium’, ndërsa për Daily Mail-in ai u shpreh që do të tentojë maksimalisht që gjatë turneut parasezonal ta fitojë besimin e trajnerit spanjoll, i cili sapo është emëruar në krye të Manchester Cityt.