11 bileta sezonale shiten te Lazio

Pas ditës së parë të lëshimit në shitje të biletave sezonale, skuadra romake Lazio, ka shitur vetëm 11 të tilla, ka bërë të ditur Goal.com.

Mungesa e rezultateve në stinorin e kaluar si dhe dështimi me trajnerin Marcelo Bielsa, që nënshkroi dhe iku pas dy ditëve nga ekipi i biancocelestëve - ka bërë që lacialët të arrijnë në këtë gjendje.

Ky numër i biletave mund të shtohet në ditët në vijim, por kur dihet se çfarë numri përkrahësish ka ekipi dhe ajo çka ndodh në derbin romak, si dhe krahasuar me ekipet tjera italiane në ditën e parë - është shumë pak.

Kjo, natyrisht reflekton edhe protestën e tifozëve ndaj kryesisë - për shkak të mosbërjes së investimeve të duhura në ekip.