TRANSFERI I BUJSHËM
Nexhipi me pagë rekorde te Drita?!
31 January, 2017 @16:39
Transferi më i bujshëm i këtij afati kalimtar në Kosovë, ai i Nderim Nexhipit, i cili kaloi te skuadra e Dritës së Gjilanit, do të ketë pagë shumë më të lartë se shumë futbollistë të tjerë në Kosovë.
Sipas Telesportit shqiptar, thuhet se Nexhipi do të përfitojë 20 mijë euro deri në fund të stinorit nga Drita, që e bën atë futbollistin më të shtrenjtë në Kosovë.
Nexhipi gjatë karrierës së tij ka luajtur për skuadrat më të forta shqiptare si Shkëndija, Partizani e Flamurtari i Vlorës, ndërsa më parë ka qenë pjesë edhe e skuadrave të ndryshme të njohura europiane.
