Mbreti i jugamerikanëve

Braziliani 20 vjeçar, Neymar, ka marrë shpërblimin për Futbollistin më të mirë të vitit 2012 në Amerikën Jugore. 

Ai çmimin e ka pranuar në Montevideo të Uruguajit pasi që kjo ngjarje organizohet nga gazeta uruguajane El Pais, ku votat i kanë dhënë gazetarët nga Amerika dhe Europa. 

Ish futbollisti i Interit, Alvaro Recoba, ka marrë çmimin e lojtarit më të mirë uruguajan, ndërsa Alejandro Gonzales ka pranuar çmimin për ekipin e tij Penarol, si ekipi më i mirë i Uruguajit. 

Neymar është duke u kërkuar nga shumë skuadra europiane, por në Pole Position llogaritet të jetë skuadra katalonase, Barcelona.