Nga City në Sunderland

Mesfushori i ri anglez, Jack Rodwell, pas dy stinorëve të kaluar në Manchester City është transferuar te ekipi i Gustavo Poyetit, Sunderland. 

Lajmin e ka bërë të ditur klubi i tij i ri, Sunderland, duke shkruar se transferimi i tij nga ekipi kampion ka kushtuar 10 milionë funta. 

Rodwell ka zhvilluar në total 16 ndeshje për dy stinorë të kaluar te City, derisa vetëm 7 herë ka qenë në formacionin startues të ekipit. 

Ai kishte ardhur si talent i madh nga Everton dy stinorë më parë, por asnjëherë nuk gjeti vend në ekip duke mos arritur të stabilizohet dhe lëvizja e tij e radhës konsiderohet si një potez i qëlluar për vetë futbollistin 23 vjeçar.