KTHEHEN FITORET
Ngjallet Roma
20 December, 2015 @17:06
Ndeshja fundit e vitit për Romën ka përfunduar me fitore.
Ekipi i trajnerit Rudi Garcia, pas serisë së zezë prej katër ndeshjeve pa fitore, më në fund ka arritur të marrë tre pikë duke e mposhtur Genoan me rezultat 2-0.
Goli i parë i romakëve u shënua nga Alessandro Florenzi në minutën 42’, ndërsa në minutat e fundit të ndeshjes Umar Sadiq e dyfishoi epërsinë.
Ekipi nga kryeqyteti nga minuta 75’ luajti me një lojtar më pak pas ndëshkimit me karton të kuq të Edin Dzekos.
Kjo ishte fitorja e nëntë e Romës për këtë edicion në Serie A, që e bën ate të renditet në pozitën e pestë me 32 pikë, derisa Genoa mbetet pranë zonës së rrezikshme me vetëm 16 pikë.
