JUVE
Vazhdon seria
20 December, 2015 @14:14
Kampioni aktual i Serie A-së, Juventus, po vazhdon ta zhvillojë serinë e fitoreve.
Zonja e vjetër ka shënuar fitoren e shtatë rresht në Serie A, duke e mposhtur kësaj radhe Carpin si mysafir me rezultat 2-3.
Vendasit e filluan mirë ndeshjen duke e befasuar ekipin e Allegrit në minutën 15’ me golin e Marco Borriello, mirëpo vetëm tre minuta më vonë kroati Mario Mandzukic e barazoi rezultatin.
Mandzukic shënoi edhe një herë në minutën 41’ për epërsinë e Juves, ndërsa Paul Pogba e dyfishoi epërsinë e ekipit të tij për të krijuar kontroll të plotë në lojë. Megjithatë deri në fund të ndeshjes Carpi arriti të shënojë edhe një herë për ta ngushtuar disavantazhin, falë autogolit të Leonardo Bonuccit në minutat e fundit të takimit.
Me këtë fitore Juve ngjitet në pozitën e dytë, por me një ndeshje më shumë se Napoli e Fiorentina që kanë nga një pikë më pak.
