ALBANIAN WAY
Nis kampanja për pagesën e gjobës së Shaqirit, Xhakës e Lichtsteinerit
25 June, 2018 @20:47
Menjëherë pas shqiptimit të gjobës nga FIFA për sjellje josportive të Granit Xhakës, Xherdan Shaqirit dhe Steph Lichtsteinerit në ndeshje ndaj Serbisë, shqiptarët kanë nisur kampanjën për mbledhjen e fondeve për pagesën e këtij dënimi.
“Ata sollën kënaqësi dhe lumturi për gjithë zviceranët dhe shqiptarët përreth globit, ju lutem të ndani një moment dhe përkrahni ata,” shkruan njoftimi në GoFundMe.com, e nisur nga Rilind Reka.
Ndërkaq, aty është bërë e ditur se edhe nëse Federata Zvicerane e Futbollit nuk pranon fondet e mbledhura, me kënaqësi ato do t’i ipen ndonjë organizate bëmirëse që e zgjedhin futbollistët në fjalë.
