SHQIP NË BOTË
Nuhiu gjen golin, ia siguron pikën skuadrës
27 April, 2019 @18:15
I inkuadruar në lojë në minutën e 67’ të ndeshjes, Atdhe Nuhiu arriti ta gjejë golin për skuadrën e Sheffield Wednesdayt, për t’ia nxjerrë skuadrës së tij një pikë.
Sulmuesi i Përfaqësueses së Kosovës shënoi për 3-3, rezultat me të cilin u mbyll edhe ndeshja e sotme që Wednesday e zhvilloi në udhëtim te Prestoni.
Ky ishte goli i katërt i Nuhiut në këtë sezon të Championshipit, ndërsa Wednesday një xhiro para fundit i ka humbur gjasat për një plasman të mundshëm në 6 vendet e para të kampionatit në fjalë.
