FERIZAJ - BALLKANI
Katër gola për dalje nga barazhi
27 April, 2019 @17:36
Pas fitoreve të rëndësishme ndaj Feronikelit e Flamurtarit, skuadra e Ferizajit nuk ka gabuar as sot.
Në ndeshjen e luajtur në udhëtim te Ballkani, skuadra e drejtuar nga Bylbyl Sokoli ka arritur të shënojë fitore me rezultat 2-4, për ta bërë një hap të rëndësishëm në luftën për mbijetesë.
Dren Gashi, një nga lojtarët më të dalluar të skuadrës këtë sezon, shënoi dy herë, ndërsa Qëndrim Dautaj e Ermal Krasniqi nga një herë tjetër, e te Ballkani golat u shënuan nga Jetmir Topalli e Bajram Nebija, por kjo ishte e pamjaftueshme që Ballkani të nxjerrë diçka nga ky takim.
Kjo fitore e largon Ferizajin nga zona e barazhit momentalisht, derisa kjo humbje e çon Ballkanin pikërisht në atë zonë.
Xhiron e ardhshme, Ballkani i shkon KEK-ut, kurse Ferizaji e pret Lirinë në shtëpi.
FORMACIONET STARTUESE
| BALLKANI: Hajdini, Krasniqi, Potoku, Berisha, Jashari, Cmajcanin, Muçaj, Kuç, Emini, Topalli, Nebija. FERIZAJ: Blakçori, V.Shabani, Mone, Shoshi, Kuka, E.Shabani, Dautaj, Shala, Dren Gashi, Qerkini, Durim Gashi. |
