LLAPI - DRITA
Super Alidema për të gjashtën me radhë
27 April, 2019 @17:25
E gjashta fitore me radhë për Llapin në kampionat!
Skuadra e drejtuar nga Tahir Batatina sot arriti ta mposhtë kampionin aktual të Kosovës, Dritën nga Gjilani, për ta vazhduar kështu fuqishëm luftën për titullin kampion, luftë e cila këtë sezon po zhvillohet mes 3 skuadrave.
Pjesa e parë mes skuadrave kaloi pa gola, derisa fitoren Llapit ia dha Festim Alidema, i cili me një goditje nga distanca arriti ta mposhtë portierin mysafir, për t’ia dhënë kështu 3 pikë mjaft të rëndësishme skuadrës së tij.
Fitorja e shënuar sot bën që Llapi ta vazhdojë fuqishëm luftën për titull, derisa Drita xhirot e fundit i pret e pashqetësuar.
Xhiron e ardhshme, Llapi e pret në shtëpi Trepçën ‘89, derisa Drita në shtëpi e pret Prishtinën.
FORMACIONET STARTUESE
| LLAPI: Haxho, Emini, Sinani, Prençi, Idrizi, Namani, Maliqi, Zeqiri, Alidema, Selmani, Januzi. DRITA: Kirev, Osmani, Limani, Gërbeshi, Berisha, B.Shabani, Krasniqi, Neziraj, Haxhimusa, Xh.Shabani, Nwabueze. |
