FULHAM - UNITED
Ole kalon Mourinhon, United momentalisht në top4
9 February, 2019 @15:28
10 fitore në 11 ndeshje!
Vazhdon bilanci fenomenal i Manchester United nën drejtimin e Ole Gunnar Solskjaer. ‘Djajtë e Kuq’ sot mposhtën lehtë dhe bindshëm 0-3 Fulhamin, për t’u ngjitur në top4 për herë të parë që nga muaji gusht.
Interesant është fakti që me fitoren e arritur sot, Ole ka kaluar Josen sa i përket fitoreve të arritura në Premier League sivjet. Jose kishte fituar 7 ndeshje deri në momentin që u largua, kurse Ole sot e shënoi fitoren e tetë në ligë.
Kjo fitore, që e ngrit Manchester Unitedin në vendin e katërt të paktën përkohësisht, vjen pikërisht para disa ndeshjeve të vështira që United i ka në kalendar, duke filluar nga ajo kundër Parisit në Champions League, e duke vazhduar më pas me Chelsean në FA Cup e Liverpoolin në Premier League.
