MLS
Ortakëria James & Becks
19 November, 2013 @13:36
David Beckham dhe LeBron James, po përgatiten që t’i bashkojnë forcat për të formuar një klub që do të përfaqësojë Miamin në ligën amerikane të futbollit (MLS).
James, konfirmoi se janë në bisedime me Becksin për këtë projekt.
“Davidi është miku im i ngushtë. Mendoj se është një gjë e mrekullueshme të krijohet një klub i futbollit në Miami, por për momentin jemi në bisedime”.
King Jamesi, tha se hulumtimet për këtë janë duke vazhduar: “Për qytetin e Miamit mund të jetë një zhvillim i rëndësishëm. Në Miami, ka shumë talentë të futbollit, gjithashtu tifozëria është në nivel të lartë. Krijimi i një skuadre, mund të ndihmojë për shumë njerëz në këtë qytet.”
Liga amerikane e futbollit, MLS, përmban aktualisht 19 skuadra futbolli derisa plani është që deri në vitin 2020 të shtohet numri i skuadrave në 24.
