Brazili pa një superyll

Dyshja e qendrës së mbrojtjes suedeze Per Nilsson dhe Mikael Antonsson ka vetëm pesë muaj që luajnë së bashku. I pari është 31 e i dyti 32 vjeçar. 

Sidoqoftë, ata në nedshjen e fundit nuk arritën ta ndalin Cristiano Ronaldon që shënoi për fitoren e madhe portugeze dhe u jep shpresa kombëtares nga Atlantiku për tu kualifikuar në Brazil. 

“Përkundër humbjes, mendoj se kemi bërë punë të mirë gjatë ndeshjes, edhe pse nuk arritëm ta shpëtojmë portën tonë pa pranuar gol. Shpresoj që ndeshja më e mirë e jona si tandem në qendër të mbrojtjes do të jetë të martën (sonte),” ka thënë Mikael Antonsson, transmeton uefa.com. 

Që prej pensionimit të Olof Mellbergut, përzgjedhësi Erik Hamrén ka qenë i detyruar të gjejë zgjidhje tjetër për mbrojtjen suedeze. 

“Ne kemi treguar se jemi në gjendje të kthehemi në lojë disa herë gjatë kualifikimeve dhe të njejtën gjë do ta provojmë edhe sonte. S’i dihet, ndoshta bileta për Botëror do të mirret pas penalltive,” ka thënë përzgjedhësi i shtetit skandinav, Hamrén. 

Në anën tjetër, Paulo Bento, përzgjedhësi portugez ka thënë se ata janë gati për gjithçka, por të gjithë e dinë se një gol portugez do të shuaj shpresat suedeze. 

“Ne duam ta kemi topin dhe të sulmojmë. është me rëndësi që të shënojmë, edhe pse me një gol nuk do të thotë që kryhet puna. Strategjia jonë bazohet në fitore të kësaj ndeshjeje,” ka konkluduar Paulo Bento. 

Portugalia mposhti Suedinë të premten 1-0 me anë të golit me kokë të shënuar nga Cristiano Ronaldo. Sonte Suedia duhet të përmbys këtë rezultat për të siguruar Botërorin. Dueli i këtyre dy vendeve do ta lë Botërorin e radhës pa njërin superyll të futbollit sot. Ose Zlatan Ibrahimovic, ose Cristiano Ronaldo. 

SONTE: