Ozil ia nxjerr pikët Realit

Real Madrid ka arritur të kthehet me fitore nga Valladolidi, 2-3. Mesut Ozil ka qenë njeriu i ndeshjes i cili me dy gola të bukura i ka dhënë vulën këtij takimi.

Golat për Valladolidin i shënoi, Manucho, i cili më parë ka luajtur në Superligën turke për Bucaspor dhe Manisasporin.

Pjesa e parë e ndeshjes përfundoi me barazim, 2-2, ku Manucho shënonte e për Realin së pari barazoi Karim Benzema në 1-1, e pastaj Ozil në 2-2. Ky i fundit në pjesën e dytë shënoi nga gjuajtja e lirë për rezultatin përfundimtar të ndeshjes.

Me këtë fitore Reali ka regjistruar pikën e 32 në renditje, derisa Valladolid ka mbetur në 21 pikëshin e tij.