GJILANI - DRENICA
Pa fitues në Gjilan, ‘nxehet’ lufta për vendin e tetë
12 May, 2018 @18:03
Njëjtë sikur takimi tjetër i ditës i zhvilluar në Drenas, edhe takimi mes Gjilanit dhe Drenicës sot nuk dha fitues.
Ndeshja kaloi me gjilanasit më kërkues, mirëpo numri i madh i rasteve të shpërdoruara, kryesisht nga Haxhimusa, autori i golit të parë, i kushtoi gjilanasve me 2 pikë të humbura.
Ky barazim bën që Drenica të mbetet në elitë pa pasur nevojë të luajë në barazh, kurse Gjilani në xhiron e fundit luan ndaj Vëllaznimit në Gjakovë, duel ky direkt mes dy skuadrave që po luftojnë t’i ikin fazës Play Out. Për t’i ikur barazhit, Gjilanit i mjafton një barazim në Gjakovë, ndërsa Drenica ndeshjen e fundit e luan ‘e qetë’ ndaj Lirisë.
