Pa gola në Drenas, por Liria ngjitet

Në takimin e zhvilluar në Drenas mes Feronikelit dhe Lirisë, fitues nuk pati.

Që të dyja skuadrat patën rastet e tyre për shënim, mirëpo asnjëra prej tyre nuk e gjeti rrjetën dhe ndeshja u mbyll me rezultat të bardhë.

Një nga rastet më të mira të ndeshjes u pa në minutën e 4’ të kohës shtesë, shumë pak sekonda para fundit, kur Qemajl Elshani i vendasve e goditi shtyllën, duke dështuar t’ia dhurojë skuadrës së tij 3 pikë në çastet e fundit të duelit.

TABELA AKTUALE SUPERLIGA

Sa i përket statistikave, në 3 takimet e luajtura mes këtyre dy skuadrave këtë sezon, Liria nuk di për humbje. Dy ndeshje kanë përfunduar me fitore të prizrenasve, ndërsa me barazim është mbyllur dueli i zhvilluar sot.

Humbja e sotme e Trepçës ‘89 nga Gjilani bën që Liria me pikën e fituar sot të ngjitet në vendin e katërt, kurse për Feronikelin kjo ishte pika e 42-të sivjet.