Favoritët për trajner të Arsenalit

Sky Sport ka dalë me një artikull ku ka bërë parashikimin e trajnerëve potencial të Arsenalit, pas lajmit për largimin e Arsene Wengerit në fund të këtij stinori, 2017/18.

Sipas Sky, favorit aktual është ish-trajneri i Liverpoolit dhe ai aktual i Celticut, Brendan Rodgers.

Drejtuesit e Celticut kanë thënë se nuk mund ta ndalin Rodgersin karshi kërkesës së një klubi si Arsenal. E Rodgers në anën tjetër, është pranë titullit të dytë me Celticun.

Pas uellsianit, i dyti është renditur italiani Carlo Ancelotti. Ancelotti është aktualisht i lirë dhe Arsenalit i duhet një trajner për trofe, për të cilët ekipi jo aq, por tifozët po vuajnë.

Njerëzit po duan Arsenalin në luftë për titull të Anglisë, e Ancelotti ka përvojë mjaft në këtë.

I treti, gjithnjë sipas Sky, është një ish-lojtar i Arsenalit. Njeriu që ka komanduar mesfushën e skuadrës në ditët e mira të ekipit, Patrick Vieira - është opcioni i klasifikuar si i treti.

Vieira gjithashtu ka punuar edhe me të rinjtë e klubit dhe mund të shtojë risi krahas yjeve aktual të ekipit.

Në artikull, pas treshes së përmendur janë renditur edhe trajnerë të tjerë me kuota: Thomas Tuchel, Joachim Low dhe Massimiliano Allegri.