DUELI FINAL, I EKIPEVE QË LUAJTËN 24 VITE MË PARË
Foto: prishtinafc.com
Finalja Prishtina-Vëllaznimi, pas 24 vitesh!
19 April, 2018 @8:05
Janë bërë plotë 24 vite prej se për herë të fundit në finale të Kupës kanë qenë dy ekipet që do të takohen edhe sivjet në finale të Kupës.
Prishtina dhe Vëllaznimi, dy skuadrat që siguruan dje finalen e Kupës së Kosovës për stinorin 2017/18, duke i eliminuar kundërshtarët e tyre, Vushtrrinë, përkatësisht, Drenicën - do të luajnë përsëri finalen - 24 vite më vonë.
Kishte qenë viti 1994, stinori 1993/94, kur këto dy ekipe atëherë në futbollin e pavarësuar kosovar, kishin zhvilluar finalen.
Fituese kishte dalë Prishtina, që kishte fituar 2-1 ndaj Vëllaznimit për të çuar Kupën e Kosovës.
Në ndërkohë, prej atëherë deri sot, Prishtina ka pesë trofe të Kupës të fituara, ndërsa Vëllaznimi një.
Në finalen e sivjetme, do të jetë krejt ndryshe!
Derisa atëherë luanin për të mbajtur gjallë futbollin dhe shpresën, sot futbollistët luajnë për trofeun që sjell mijëra euro në konto të ekipit, si dhe mundësinë e daljes në gara europiane për stinorin e radhës!
KUPAT E FITUARA:
| Prishtina: | 1994, 1995, 2006, 2013 dhe 2016 | ||
| Vëllaznimi: | 2008 |
i:
| 1 | Nëse dikush ka çfarëdo informate/material apo tjetër lidhur me finalen e e vitit 1994 Prishtina-Vëllaznimi, le të shkruajë në info@borozani. |
