MITROVICË - ADEM JASHARI
Pa gola, Trepça e Hajvalia ndajnë pikët
14 November, 2014 @15:28
Skuadra e Trepçës po tregon shenja jete nën drejtimin e trajnerit të ri të skuadrës, Ajet Shosholli.
Ekipi mitrovicas, tashmë tre xhiro prej se po e drejton trajneri i ri nuk ka pësuar humbje dhe ka arritur të mbledh 5 pikë nga 3 xhirot e fundit.
Rrjetat e paprekura
Mitrovicasit sot kanë dalë të pamposhtur edhe nga takimi ndaj Hajvalisë së fortë, që i ka bërë ballë deri në fund të takimit për barazim pa gola, 0-0.
Të dyja skuadrat kanë pasur rastet e tyre, por portat deri në fund të ndeshjes u mbetën të paprekura në stadiumin Adem Jashari.
Për Hajvalinë, ky ka qenë barazimi i dytë brenda tre xhirove të fundit, derisa ekipi i udhëhequr nga tekniku Sunaj Keçi vazhdon të mbajë vendin e dytë të tabelës së klasifikimit në Superligë, me një pikë më pak se Ferronikeli lider dhe me një ndeshje më shumë të zhvilluar.
