LLAPI - GJILANI
Pa kryetrajner ndaj Gjilanit
17 October, 2018 @12:21
Pas dy ndeshjeve të luajtura dje, xhiroja e dhjetë e Superligës vazhdon me dy ndeshje të tjera sot.
Njëri nga dy takimet e ditës luhet në Podujevë, me Llapin vendas, i cili ende nuk e ka zyrtarizuar kryetrajnerin e ri, që e pret skuadrën e Gjilanit.
Në takimin e parë pas largimit të Bylbyl Sokolit, takim në të cilin Llapit i kthehen nga lëndimi Mentor Zhdrella e Shend Kelmendi, Llapi kërkon fitoren për t’iu afruar kreut të tabelës, ndërsa Gjilani, që sot luan pa Ylber Kastratin (suspendim) dhe Edon Sadriun (lëndim), me një fitore eventuale do të ngjitej mbi Llapin.
