Pa telashe në çerekfinale

Sikurse në ndeshjen e parë (1-3) edhe sonte, Manchester City ka kaluar me rezultat të njëjtë kundërshtarin e së tetës së finales Kobenhavn, për të siguruar me rezultat të përgjithshëm 6-2 çerekfinalen e Ligës së Kampionëve.

Mbrojtësi i trofeut në Champions nisi furishëm ndeshjen, ndërsa mysafirët danezë pas 10 minutash lojë panë se ishte e pamundur të luftohet me fuqinë e krijuar nga ekipi i “Etihadit”. Manuel Akanji (5’) dhe Julian Alvarez (9’) shënuan shpejt, ndërsa Elyounoussi kur mendoi se po kthen ekipin në lojë, në fund të pjesës së parë Erling Haaland (45’+3) vulosi gjithçka për 3-1 përfundimtaren sonte.