VALON BERISHA
Foto: Lazio/fb
Para zyrtarizimit
30 June, 2018 @17:02
Mesfushori i përfaqësueses së Kosovës dhe i Salzburgut, Valon Berisha, është duke kryer testet mjekësore te Lazio sot, ku pritet të zyrtarizohet brenda ditës.
Playmakeri 25 vjeç do të nënshkruajë kontratë 5 vjeçare me Lazion, ndërsa ekipi italian ka paguar 7.5 milionë euro në drejtim të Salzburgut si dëmshpërblim, për marrjen e lojtarit.
Në stinorin 2017/18 Berisha ka shënuar 13 gola, 11 asistime në 45 ndeshje për ekipin austriak, ndërsa ka 20 paraqitje për reprezentacionin e Norvegjisë, para se të bëhet pjesë e Kosovës, prej se u pranuam në UEFA e FIFA.
