Pas Botërorit me Holandën

Trajneri i njohur holandez, Guus Hiddink, do të jetë përzgjedhësi i ri i përfaqësueses së Holandës.

Hiddink do ta fillojë punën e re pas Kampionatit Botëror, në të cilin përfaqësuesja e Holandës do të drejtohet nga përzgjedhësi i tashëm, Louis van Gaal.

Këtë lajm e ka konfirmuar edhe vetë trajneri 67 vjeçar.

“Do ta krijojmë një skuadër të mrekullueshme. Jam këtu për të dhënë më të mirën nga vetja, përndryshe nuk do ta kisha pranuar ofertën,” tha Hiddink.

Trajneri Holandez ka qenë në krye të Holandës edhe gjatë viteve 1995-1998, kur kishte shkuar deri në gjysmëfinale të Botërorit 1998.

Përzgjedhësit të tashëm të Holandës, Van Gaal, i skadon kontrata në fund të muajit korrik të këtij viti.