Pas Rrahmanit, Napoli merr edhe Kumbullën

Raportet nga mediat italiane kanë bërë të ditur se Napoli ka arritur marrëveshje me Veronën edhe për mbrojtësin tjetër të ekipit, Marash Kumbulla.

Kumbulla që i mbush të njëzetat në muajin tjetër, është reprezentues i Shqipërisë dhe ai bashkë me Amir Rrahmanin janë shtylla të mbrojtjes së Veronës.

Rrahmani u zyrtarizua javën e shkuar si lojtar i ri i Napolit, derisa do të luaj deri në fund të këtij stinori te Verona.

Sipas Sky Sport Italias, Napoli do t’i paguajë Veronës 20 milionë euro dëmshpërblim për shqiptarin dhe 4 milionë tjera si bonuse.

Kumbulla i lindur në Peschiera del Garda të Italisë më 8 shkurt të vitit 2000 është 185 centimetra i gjatë, ndërsa këtë sezon ka debutuar në Serie A duke shënuar edhe një gol në 14 paraqitjet e tij me Veronën.