Penalltitë vendosin, Milani fiton Superkupën!

Në finalen e Superkupës së Italisë, e cila u luajt sot edhe pse zakonisht luhet gjatë verës, Juventusi dhe Milani dhuruan një ndeshje shumë të bukur, e cila mbyll me fitoren e Milanit pas penalltive.

Të parët në epërsi kaluan juventinët me golin e Cheillinit, ndërsa barazimin rossonerët e gjetën përmes Bonaventurës. Më pas, rastet vazhduan për të dyja skuadrat deri në fund, por goli i fitores nuk erdhi për asnjërën skuadër dhe kampioni u detyrua të përcaktohej përmes penalltive.

E aty skuadër më e mirë u tregua Milani, e cila shfrytëzoi shpërdorimet e Mandzukicit dhe Dybalas tek skuadra kundërshtare dhe e mbylli ndeshjen me fitore, për ta fituar kështu Superkupën e Italisë.

Duhet përmendur që kjo është hera e dytë që Milani e mposht Juventusin në 2 muajt e fundit.