Për fitore dhe siguri!

Sonte prej orës 20:45 në Luigi Ferraris të Xhenovës do të takohen Genoa - Milan. Ndeshja që i takon xhiros së XVIII të Serie A-së është caktuar të luhet sot për shkak se Milan do të udhëtojë për në Barcelonë, për ndeshjen e kthimit të Ligës së Kampionëve, që luhet të martën. 

Djelmoshat e Massimiliano Allegrit, përkundër se presin fitore në ndeshjen e sontme, ata mendjen do ta kenë në Camp Nou. Mirëpo, dëshira e madhe dhe forma e mirë e Milanit, të cilët duhet të mbesin së paku në vendin e tretë të renditjes në Serie A, do t’i shtyjë ata në luftë ndaj Genoas që nuk po kalon ditë të mira në Serie A. 

Mirëpo, trajneri i xhevovezëve, Davide Ballardini, është i sigurtë se Milani nuk do të mendojë për katalonasit por për pozitën e tyre në Serie A. 

“Milan nuk do të mendojë për Barcelonën. Ata e kanë objektivin që së paku të përfundojnë në vendin e dytë të Serie A-së sivjet dhe ta dini që ne mërzitemi më shumë për këtë ndeshje sesa ata,” ka thënë Ballardini mbrëmë për mediat italiane gjatë konferencës së tij për shtyp. 

Milan gjendet në pozitën e tretë të Serie A-së me 48 pikë, një më shumë se Inter dhe Lazio, që janë në vendin e katërt, respektivisht të pestin. Rossonerët nuk kanë pësuar në asnjë ndeshje gjatë muajit shkurt dhe këtij muaji në të gjitha garat dhe hyjnë me optimizëm për të vazhduar formën e mirë. Genoa ndërkaq, ka vetëm 26 pikë dhe gjendet mbi linjën që dërgon në Serie B. Çdo pikë e fituar për ata do të jetë sukses i madh. 

SERIE A, SONTE: