KUPA E KOSOVËS
Foto: nga arkivi
Përcaktohet finalja e Kupës në futsall
11 February, 2018 @22:04
Tashmë gjithçka është gati për finalen e Kupës së Kosovës në futsall.
Pas fitores së Feniksit ndaj Prishtinës dhe Besës ndaj Liburnit, dy skuadrat triumfuese do të takohen në mesjavën që vjen në finale të Kupës së qyteteve.
Ndeshja do të zhvillohet në Prishtinë, ndërsa termini i saktë ende nuk është bërë i ditur nga FFK-ja.
Feniksi mposhti Prishtinën 3-1 në gjysmëfinale, ndërsa Besa Liburnin pas penalltive 8-7, pasi që ndeshja në kohë të rregullt kishte përfunduar 2-2, e pas vazhdimeve, 3-3.
