MERKATO
Përforcohet West Hami
14 June, 2016 @17:20
Përmes një konfirmimi zyrtar, skuadra e West Hamit ka konfirmuar transferimin e algjerianit Sofiane Feghouli, i cili ishte pjesë e Valencias deri në fundin e sezonit që e lamë pas. Feghoulit i skadon kontrata në fund të muajit qershor dhe tek West Hami u transferua si lojtar i lirë, duke nënshkruar kontratë 3-vjeçare.
Pas Feghoulit, skuadra e Slaven Bilic duket të jetë e interesuar në shërbimet e dyshes së Besiktasit, Atiba Hutchinson dhe Gokhan Tore, për të cilët pritet të ketë oferta në ditët në vijim, ndërsa më herët këtë muaj West Hamit iu refuzua oferta 40 milionëshe për sulmuesit Lacazette të Lyonit.
