HAT TRICK MAN
Përsëri Ronaldo, hat-trick dhe më shumë
23 September, 2014 @22:02
Derisa është Cristiano Ronaldo në fushë, Real Madrid aspak nuk e ka të vështirë ta gjejë rrugën e golit.
Madrilenët kanë shënuar fitore me rezultat të thellë duke e mposhtur skuadrën Elche.
Ronaldo edhe njëherë e konfirmoi se gjendet në formë të shkëlqyer duke shënuar katër herë për Realin, dy prej të cilëve nga penalltia.
Ky ishte ‘hat trick’-u i 28-të në karrierën e Ronaldos, si dhe i dyti brenda vetëm tre ditëve pasi që në ndeshjen e fundit kundër Deportivos kishte shënuar edhe tre gola të tjerë.
Golashënuesi tjetër për Realin në këtë ndeshje ishte Gareth Bale, kurse për Elchen realizator ishte Edu Albacar nga penalltia.
Rezultatet dhe tabela aktuale.
FAKT:
| Sonte për Real Madridin debutoi portieri i ardhur nga Levante, Keylor Navas, që ishte njëri ndër yjet e Botërorit, Brazili 2014. |
