Pika e parë për Gjilanin pas dy xhirove

Gjilani ka siguruar një pikë sot në ndeshje ndaj Drenicës, të zhvilluar në “Bajram Aliu” të Skenderajt.

Ekipi kuqebardhë nga Gjilani ka ardhur në epërsi në pjesë të dytë të ndeshjes, kur Isa Eminhaziri shënoi në portën e Arion Ymerit.

Mirëpo, për barazim të shpejtë u përkujdes zëvendësuesi i Drenicës, Armend Abazi, i cili dy minuta pas golit të Eminhazirit barazoi shifrat, 1-1.

TABELA AKTUALE

Ky doli të jetë edhe rezultati përfundimtar i takimit në një ndeshje që u përshkrua me disa raste të mira në pjesë të parë, ku vlen të përmendet edhe shtylla e qëlluar nga Zgjim Mustafa në fillim të ndeshjes për Gjilanin.

Kjo ka qenë pika e parë për Gjilanin pas 2 ndeshjeve të kaluara në disfatë, duke arritur të qëndrojnë mbi Drenicën në tabelë, me një pikë më shumë.