PRISHTINA vs BESA
Endrit Krasniqi duke festuar golin sot/ Foto: prishtinafc.com
Prishtina lidere, fiton derbin
19 November, 2016 @14:57
Prishtina është lidere e re e Superligës. Ekipi bardhekaltër ka fituar derbin e xhiros ndaj Besës së Pejës me rezultat 2-0 me nga një gol të shënuar për pjesë.
Fitorja e dhjetë e stinorit për Prishtinën ka ardhur përmes golave të Mërgim Pefqelit në fillim të ndeshjes, ndërsa krejt në fund, Endrit Krasniqi u përkujdes për të vulosur fitoren e ekipit që po drejtohet nga gjermani Lutz Lindemann.
Pas 15 xhirove Prishtina ka 34 pikë, derisa Besa mbetet në 24 pikë, 10 më pak se lideri i ri i Superligës.
