Pikë të plota për Dortmundin

Borussia Dortmund ka shënuar fitoren e radhës në Bundesligën gjermane. Milionerët nga Dortmundi arritën ta mposhtin Stuttgartin si mysafir duke fituar me rezultat 1-2.

Lukasz Piszczek shënoi golin e parë në ndeshje për epërsinë 0-1 të Dortmundit, ndërsa rezultati u barazua në minutën 63’ me golin e rumunit, Alexandru Maxim.

Puna për ekipin e trajnerit Jurgen Klopp u lehtësua kur qendërmbrojtësi i Stuttgartit, Neidermeier, u largua nga ndeshje pas kartonit të dytë të verdhë. Epërsinë e një lojtari më shumë në fushë e shfrytëzoi Robert Lewandowski (82’) i cili shënoi për fitoren shumë të vlefshme të skuadrës së tij.

Leverkuseni fiton bindshëm

Fitore shënoi edhe ekipi i Bayer Leverkusenit, i cili e mposhti Dusseldorfin me rezultat të thellë 1-4.

Stefan Kiessling (22’, 88’) dhe Andre Schurrle (62’, 84’) shënuan nga dy gola për Leverkusenin, derisa goli i nderit për vendasit u shënua nga autogoli i mbrojtësit Daniel Schwaab.

Xhaka e Nikçi në bankë

Mesfushori i Borussia Monchengladbachut, Granit Xhaka, dhe ai i Hannoverit, Adrian Nikçi, nuk u aktivizuan sot fare për skuadrat e tyre.

Ekipi i Nikçit shënoi fitore me rezultat 0-2 ndaj Augsburgut, ndërsa ekipi i Xhakës u mposht nga Freiburgu po me rezultat të njëjtë, 0-2. 

Rezultatet e arritura sot